Rossiyaning Birinchi kanali boshlovchisi ko‘rsatuv mehmoniga «hujum qildi»

Rossiyaning Birinchi kanalidagi «Vaqt ko‘rsatadi» tok-shousi boshlovchisi Artyom Sheynin ko‘rsatuv davomida dastur mehmoni, amerikalik jurnalist Maykl Bomga tashlanib qoldi.

Ko‘rsatuv Rossiyaning San-Fransiskodagi bosh konsulligidan davlat bayroqlarini yechishga bag‘ishlangandi. Dastur davomida Bom Sheyninning so‘zini uzib qo‘yadi, bunga javoban esa u amerikalik jurnalistning kostyumidan ushlab oldi va «provokatsiya qilmaslikni» qat’iy tavsiya qildi.

Vaziyatga Sheyninning hamkasbi Yekaterina Strijenova hamda ko‘rsatuv mehmoni Frans Klinsevich ham aralashgan.