Poytaxt markazidagi tunnelga radar o‘rnatildi

Toshkent shahar IIBB Yo‘l harakati xavfsizligining ma’lumotlariga ko‘ra, Toshkentning markaziy ko‘chalaridan birida yana 4 ta radar ishga tushirilgan.

Avtomobillar tezligini qayd qilish qurilmasi «Abdulla Qodiriy» ko‘chasidagi yo‘l o‘tkazgichlarining (most) kirish va chiqish qismlariga o‘rnatilgan. Shaharda radarlarni ko‘paytirishdan maqsad yo‘l transporti hodisalarini kamaytirish hamda haydovchilarni tartibga chaqirishdir. Ko‘pincha haydovchilar tunnelda belgilangan tezlikdan yuqori ko‘rsatkichda harakatlanadilar. Bu ularning hayoti uchun xavfli hisoblanadi.