Yashnobod tumanida 2 ta uy yonib ketdi (foto)

30 sentyabr kuni Toshkentda ikki uyda yongʻin yuz berdi, deb xabar bermoqda IIBB matbuot xizmati.

Xabarda aytilishicha, yongʻin Yashnobod tumani “Tabibiy” koʻchasidagi 11-xonadonda yuz bergan va yongʻin qoʻshni 13-uyga ham oʻtgan. Voqea joyiga 7 daqiqa ichida yetib kelgan oʻt oʻchiruvchilar tomonidan soat 12:30 da yongʻin butunlay oʻchirildi.

Voqea natijasida umumiy hisobda 200kv m. maydon yonib ketgan, jabrlanganlar yoʻq.

Yongʻin kelib chiqishiga yongʻin xavfsizligi qoidalariga rioya etilmagani sabab boʻlgan, deb taxmin qilinmoqda.