Toshkentda Yangi yilning bosh archasi o‘rnatilmoqda

Bugun, 9 dekabr kuni ertalabdan Toshkentning Mustaqillik shoh ko‘chasiga Yangi yil bayramining bosh archasini o‘rnatish ishlari boshlab yuborildi. Bu haqda O‘zA xabar bermoqda.

^{Foto: O‘zA}
Avvalroq Toshkent shahar hokimligi O‘zbekistonning asosiy archasi Mustaqillik shoh ko‘chasi — Yoshlar ijod saroyi yaqiniga o‘rnatilishini ma’lum qilgan edi.

Bundan tashqari Yangi yil archasi poytaxtning yana oltita nuqtasida paydo bo‘ladi. Toshkent shahar hokimligi ma’muriyati bayramgacha Toshkent yanada yorqin va chiroyli bo‘lishiga ishontirmoqda. Eslatib o‘tamiz , joriy yil ham o‘zbekistonliklar Yangi yil bayrami munosabati bilan 30 dekabrdan 3 yanvarga qadar dam oladi.