Qirgʻizistonda YTH: Oʻzbekiston fuqarolari halok boʻldi

2019 yil 28 yanvar kuni soat 21:00larda Qirgʻiziston Respublikasi Batken viloyatida yoʻl-transport hodisasi yuz berdi. Bu haqda Oʻzbekiston FVV xabar tarqatdi.

Qayd etilishicha, Batken tumani hududidan oʻtuvchi “Oʻsh-Batken-Isfana” avtomobil yoʻlining 207-km.da harakatlanib ketayotgan “Neksiya” rusumli avtomobil qarama-qarshi yoʻldan kelayotgan Qirgʻiziston Respublikasining “Mersedes-sprinter” rusumli furgon avtomobili bilan toʻqnashib ketgan.

YTX natijasida “Neksiya” avtomobili haydovchisi hamda uning 4 nafar yoʻlovchisi (Oʻzbekiston Respublikasi fuqarolari) voqea joyida halok boʻlgan.
FVV xabarida aytilishicha, vafot etgan fuqarolarning jasadlari Batken tuman shifoxonasi morgiga olib borilgan.