Markaziy Bank raisi oʻrinbosari ishdan boʻshatildi

Markaziy bank Raisi oʻrinbosari Adham Rustamovich Islomov oʻz vazifasidan ozod etilgan, deb xabar bermoqda Kun.uz axborot manbasi.

1976 yil Toshkent shahrida tugʻilgan Adham Islomov 2018 yil yanvaridan buyon Markaziy Bank raisi oʻrinbosari lavozimida ishlab kelayotgandi.

U bundan avval Oʻzbekiston Prezidenti Devoni ijtimoiy-iqtisodiy siyosatni muvofiqlashtirish xizmatining bosh konsultanti sifatida faoliyat koʻrsatgan.

Kun.uz muxbirining xabar berishicha, Islomovning oʻrnini shu vaqtga qadar “Oʻzagrosugʻurta” raisi lavozimida ishlab kelayotgan Saidqahhor Xolxoʻjayev egallaydi.