Toshkentda Boʻrijar anhoridan toʻpponcha topildi

^{Illyustrativ foto}
Toshkent shahrining Chilonzor tumanida 1-dekabr soat 14:50larda 3- va 4-dahalar hududidan oqib oʻtuvchi Boʻrijar anhoridan oʻqotar qurol – Makarov toʻpponchasi topildi.

Postda.uzʻning yozishicha, toʻpponcha polietilen paketga qismlarga ajratilgan holda solingan. Shu bilan birga, polietilen paketda 2 dona oʻqdon va 18 dona oʻq ham boʻlgan.
Xabarda taʼkidlanishicha, hozirda surishtiruv ishlari olib borilmoqda.