Otaxon suratga olish jarayonlari ketayotganidan bexabar zo‘ravonlikka uchragan yigitchaning yonini oldi (video)

^{Kadr: Telegram}
Ijtimoiy tarmoqlarda Toshkentda keksa otaxon suratga olish jarayonlari ketayotganidan bexabar zo‘ravonlikka uchragan yigitchaning yonini olgani tasvirlangan video paydo bo‘ldi.

Videodan ko‘rish mumkinki, suratga olish guruhi yo‘lning chetida bir yigit o‘quvchilar kabi sumka taqib olgan ko‘zoynakdagi boshqa bir tengdoshini urayotgani sahnasi suratga olinayotgan bo‘lgan. Shunda qarama-qarshi tarafdan yurib kelgan keksa otaxon «zo‘ravon» yigitning yoniga borib, yelkasidan tutgan. Aftidan, nuroniy ular rostan ham urishyapti deb o‘ylagan.

pic.twitter.com/xGzHT2i9aI

— Shukhrat (@bankir2102) November 16, 2020

Shundan so‘ng atrofdagi suratga olish guruhi a’zolari otaxonning yoniga kelib, ular shunchaki rol o‘ynayotganini tushuntirgan.