Samarqandda rafiqasini tahqirlagan erkakka sud hukmi o‘qildi

Samarqandda rafiqasini tahqirlagan erkak ishi bo‘yicha sud yakunlandi. Sudlanuvchi Karimov Sh. uzil kesil 6 yil ozodlikdan mahrum qilindi deya xabar bermoqda sud majlisida kuzatuvchi sifatida qatnashgan Respublika «Istiqbolli avlod» ijtimoiy-axborot Markazi Samarqand viloyat bo‘limi.

Sudlanuvchi O‘zbekiston Respublikasi Jinoyat kodeksining 103 (o‘zini o‘zi o‘ldirish darajasiga yetkazish), 105 (qasddan badanga o‘rtacha og‘ir shikast yetkazish) moddalari bilan aybdor deb topilib, uzil kesil 6 yil muddatga ozodlikdan mahrum qilish jazosi tayinlandi. Jazoni maxsus koloniyalarda o‘tashi belgilandi.