Farg‘onada «Vaz-2101» gaz balloni portlashi sabab ikki kishi jabrlandi

Joriy yilning 22 may kuni Farg‘ona viloyati, Quva tumani, Paxtakor MFYda joylashgan «Shaffof» nomli avtotransport vositalariga gaz quyish shoxobchasida T.A. boshqarib kelgan, gaz to‘ldirilayotgan «Vaz-2101» rusumli avtomobilning gaz ballonida portlash sodir bo‘lgan.

Natijada, yaqin atrofda turgan fuqarolar, 32 yoshli T.F. hamda 58 yoshli A.X.lar tan jarohati bilan shifoxonaga olib ketilgan.
Mazkur hodisa yuzasidan tuman IIB YHXB va FVB tomonidan surishtiruv harakatlari olib borilmoqda.