Samarqandda haydovchining uxlab qolishi oqibatida Isuzu yuk mashinasi daryo qirg‘og‘iga ag‘darilib ketdi

^{Foto: Samarqand viloyati IIB axborot xizmati}
Samarqand shahri hududidan o‘tuvchi M-37A avtomobil yo‘lining 35-kilometrida Isuzu yuk mashinasi ishtirokida yo‘l-transport hodisasi sodir bo‘ldi, deb xabar beradi viloyati IIB axborot xizmati.

Ma’lum qilinishicha, ko‘ngilsiz hodisa 29 may kuni soat 05:30 larda Toshkent—Navoiy yo‘nalishi bo‘ylab harakatlanib kelayotgan Isuzu rusumli yuk mashinasi bilan sodir bo‘lgan. Haydovchining uxlab qolishi oqibatida mashina Zarafshon daryosining qirg‘og‘iga ag‘darilib ketgan.

^{Foto: Samarqand viloyati IIB axborot xizmati}
Ta’kidlanishicha, mazkur hodisa oqibatida hech kim tan jarohati olmagan.