Shavkat Mirziyoyev AQSH Prezidentiga maktub yo‘lladi

^{Foto: Prezident matbuot xizmati}
O‘zbekiston Respublikasi Prezidenti Shavkat Mirziyoyev Amerika Qo‘shma Shtatlari Prezidenti Jozef Baydenga maktub yo‘lladi. Bu haqda O‘zbekiston Respublikasi Prezidenti matbuot kotibi ma’lum qildi.

Unda davlatimiz rahbari Afg‘onistonning Kobul shahri xalqaro aeroporti hududida sodir etilgan terrorchilik hujumi oqibatida AQSH harbiy xizmatchilari qurbon bo‘lgani munosabati bilan chuqur ta’ziya izhor qilib, vafot etganlarning oila a’zolari va yaqinlariga hamdardlik bildirdi.