O‘zbekistonda o‘ndan ortiq saytga kirish cheklandi

Iste’molchilar huquqlarini himoya qilish agentligi va AOKA hamkorligida amalga oshirgan choralar tufayli 10dan ortiq totalizator va bukmekerlik reklamasini noqonuniy ravishda yurituvchi saytlarga kirish cheklab qo‘yildi. Bu haqda agentlik matbuot kotibi ma’lum qildi.

Qayd etilishicha, joriy yilning o‘tgan davri mobaynida 19 mingdan ziyod o‘rganishlar o‘tkazilgan bo‘lib, shundan 10 ming holatda turli kamchiliklar aniqlangan va ularni tezkor bartaraf etish choralari ko‘rildi. Xususan, o‘tkazilgan o‘rganishlar natijasiga ko‘ra, 168ta holatda totalizator va bukmekerlik faoliyati reklama qilinganligi aniqlangan va ularning barchasi bartaraf etilgan.