Toshkentda «Cobalt» avtomobili kanalga tushib ketdi

Bugun, 2022 yil 16 mart kuni soat 14:00 larda, Toshkent shahar, Mirobod tumani, Amir Temur ko‘chasida haydovchi, 2001 yilda tug‘ilgan A.A. «Cobalt» rusumli avtomobilda harakatlanib kelib, ushbu ko‘chada joylashgan «Universal bank» yaqinidagi avtoturargohga to‘xtagan va o‘zi bank ichiga kirgan.

Mazkur jarayonda «Cobalt» avtomobili pastlikka harakatlanib, atrofdan oqib o‘tgan «Salar» kanaliga tushib ketgan.

Hodisa natijasida tan jarohati olgan fuqarolar yo‘q. Ayni vaqtlarda avtomobil suvdan olib chiqilgan. YPX xodimlari tomonidan surishtiruv ishlari olib borilmoqda.