"Roma" transferga tayyorlanmoqda. Bu futbolchini Mourinoning o‘zi istamoqda

\"Yuventus\" klubi yarim himoyachisi Artur faoliyatini boshqa jamoada davom ettirishi mumkin. Bu haqda Goal.com nashri xabar berdi.

Manbaning ma’lum qilishicha, braziliyalik futbolchiga \"Roma\" qiziqmoqda. Uning xizmatlariga rimliklar ehtiyoj sezmoqda va Joze Mourinoning shaxsan o‘zi Arturni jamoasida ko‘rishni istaydi.

Futbolchining transfer narxi 72 million yevroni tashkil etadi. 26 yoshli xavbek o‘tgan mavsum A Seriya doirasida 20 o‘yinda maydonga tushdi.