«Manchester Siti» safarda yutqazdi va 4-o‘ringa tushib ketdi

Angliya chempionatining 36-turidan o‘rin olgan \"Sautgempton\" hamda \"Manchester Siti\" klublari o‘rtasidagi uchrashuv nihoyasiga etdi. Bu haqda \"Uff.uz\" xabar bermoqda.

Unda 4:2 hisobi qayd etilib, maydon egalarining g‘alabasi bilan yakunlandi.

\"Sautgempton\" tarkibida Long bitta gol urdi. Mane esa, uch marta darvozani ishg‘ol qilib, xet-trik qayd etdi. \"Shaharliklar\" tarkibida ikki golni ham Ixeanacho kiritdi.

Mazkur mag‘lubiyat \"Siti\"ni 4-o‘ringa tushirib yubordi. \"Arsenal\" undan oldinga o‘tib ketdi.