"Navbahor" navbatdagi bahsda Bolgariya klubini mag‘lub etdi

Yangi mavsumga Turkiyada tayyorgarlik ko‘rayotgan \"Navbahor\" jamoasi Bolgariyaning “Septemvri” klubiga qarshi o‘rtoqlik uchrashuvida maydonga tushdi. Mazkur bahsda \"lochinlar\" 4:2 hisobida g‘alaba qozondi.

Namanganliklarning gollariga Asad Sobirjonov, Shohruz Norxonov, Jamshid Iskanderov va Ibrohim Yo‘ldoshev mualliflik qildi.

Ma’lumot o‘rnida, bundan oldingi o‘yinda \"Navbahor\" Rossiyaning \"Nijniy Novgorod\" jamoasini 1:0 hisobida taslim etgandi. Bellashuvda yagona gol Shohruz Norxonov nomiga qayd etilgandi.