"Paxtakor"ga niderlandiyalik himoyachi kelmoqda

O‘zbekiston chempioni \"Paxtakor\" klubi o‘z tarkibini kuchaytirishda davom etmoqda.

Championat.asia sayti ma’lumotiga ko‘ra, tez orada \"sherlar\" tarkibiga niderlandiyalik markaziy himoyachi Mettyu Stinvorden kelib qo‘shiladi. 1993 yilda tug‘ilgan futbolchi faoliyati davomida \"Feyenoord\", \"Ekselsior\", \"Dordtext\", \"Kambuur\" kabi Niderlandiya klublarida o‘ynagan. U 2019 yildan buyon Xorvatiyaning \"Goritsa\" jamoasida o‘ynab kelayotgadi.

Transfermarkt ma’lumotiga ko‘ra, Stinvorden butun faoliyati davomida 305ta o‘yinda maydonga tushgan va raqiblar darvozasiga 19ta gol urgan.

Ayni paytda Transfermarkt portali futbolchini 500 ming yevroga baholamoqda.