Germaniya Superkubogi. “Leypsig” “Bavariya”ni mag‘lub etib, superkubokni qo‘lga kiritdi
Futbol bo‘yicha Germaniya Superkubogidan o‘rin olgan o‘yinda “Bavariya” 12 avgust, shanba kuni “Leypsig” bilan kuch sinashdi.
Uchrashuvning 3-daqiqasida Dani Olmo “Leypsig”ni hisobda oldinga olib chiqdi. Birinchi bo‘lim so‘ngida Olmo yana bitta gol urib, dublni rasmiylashtirdi. 68-daqiqada Dani penaltini aniq amalga oshirib, het-trik muallifiga aylandi. Qayd etib o‘tish joiz, Harri Keyn 64-daqiqada Matias Telning o‘rniga maydonga tushdi va yangi jamoasidagi debyutini nishonadi. Qolgan daqiqalarda gol urilmadi va “Bavariya” mag‘lubiyatga uchradi.
Shu tariqa “Leypsig” o‘z tarixida ilk bor Germaniya Superkubogi g‘olibiga aylandi.
Germaniya Superkubogi
12 avgust, shanba
“Bavariya” — “Leypsig” 0:3
Gollar: 0:1 – 3 Olmo, 0:2 – 44 Olmo, 0:3 – 68 Olmo.
“Bavariya”: Ulrayx, Pavar (Mazraui, 46), Upamekano, de Ligt (Kim Min Chje, 46), Devis, Kimmix (Goretska, 78), Laymer (Koman, 46), Sane, Musiala, Gnabri, Tel (Keyn, 64).
“Leypsig”: Blasvix, Xenrixs (Klostermann, 85), Orban, Simakan, Raum, Shlager, Olmo (Karvalyu, 78), Zayvald, Simons (Forsberg, 78), Verner (Sheshko, 64), Openda (Poulsen, 64).
Ogohlantirishlar: Pavar (13), Upamekano (34), Olmo (71).
