The Best. Messi "Yilning eng yaxshi futbolchisi" deb topildi

Londonda o‘tkazilayotgan FIFAning The Best marosimida yilning eng yaxshilari aniqlanmoqda.

Argentina terma jamoasi va \"Inter Mayami\" hujumchisi Lionel Messi The Best marosimida yilning eng yaxshi futbolchisi sovrini g‘olibi deb topildi.

Sovrin uchun Erling Xoland va Kilian Mbappelar da’vogalik qilishgan edi. Messi marosimga tashrif buyurmagani uchun sovrinni Leoning sobiq jamoadoshi, The Best marosimining boshlovchisi Terri Anri qabul qilib oldi.

Eslatib o‘tamiz, ushbu sovrin terma jamoa sardorlari, murabbiylari, media vakillari va muxlislar ovoziga ko‘ra topshiriladi.