Srechko Katanes sog‘lig‘idagi muammo tufayli O‘zbekiston terma jamoasi bazasini tark etdi

^{Foto: O‘FA}
Futbol bo‘yicha O‘zbekiston terma jamoasi bosh murabbiyi Srechko Katanes sog‘lig‘i bilan bog‘liq muammo tufayli terma jamoa bazasini tark etdi.

Bu haqida O‘FA matbuot xizmati ma’lum qildi. Katanes Sloveniyaga jo‘nab ketgan.

Gongkong bilan bo‘ladigan o‘yinga O‘zbekiston terma jamoasini murabbiy assistenti Alesh Cheh boshchiligidagi shtab boshqaradi.

Eslatib o‘tamiz, O‘zbekiston 21 mart kuni Gongkongga qarshi bahs olib borib, 2:0 hisobida g‘alaba qozondi. Jamoalar o‘rtasidagi keyingi o‘yin 26 mart kuni bo‘lib o‘tadi.