Fayzullayev gol urgan o‘yinda “SSKA” yirik hisobda g‘alaba qozondi (video)

Futbol bo‘yicha o‘rtoqlik maqomidagi Birodarlik Kubogi bahslari start oldi.

Unda Moskvaning “SSKA” jamoasi Serbiyaning “OFK” klubiga qarshi bahs olib bordi. Uchrashuvning 35-daqiqasida o‘zbekistonlik futbolchi Abbosbek Fayzullayev hisobni ochdi.

Ikkinchi bo‘lim boshida esa Gayich hisobni ishonchli ko‘rinishga olib keldi. 54-daqiqada Diveyev moskvaliklarning uchinchi goliga mualliflik qildi.

O‘yin yakunida Bistrovich ham gol urdi va “SSKA” 4:0 hisobida g‘alaba qozondi.

Moskva klubi 7 iyul kuni “Partizan”ga qarshi maydonga tushadi.

Birodarlik Kubogi
4 iyul, payshanba

“SSKA” – “OFK” 4:0
Gollar: 1:0 – Fayzullayev (35), 2:0 – Gayich (48), 3:0 – Diveyev (54), 4:0 — Bistrovich (90+4).

“SSKA”: Akinfeyev (Pomazun, 46), Gayich (Xelven, 53), Diveyev, (Ryadno, 61) Rosha (Agapov, 61), Moyzes (Lukin, 61), Krugovoy (Rivandi, 61), Zdelar (Bistrovich, 61), Oblyakov (Kislyak, 61), Fayzullayev (Musayev, 46, Krasich, 89), Jemaletdinov (Glebov, 46, Shumanskiy, 89), Chalov (Gayich, 61, Yakovlev, 89).