Husanovning “Manchester Siti”ga transferi qachon e'lon qilinishi ma'lum boʻldi

“Manchester Siti” tez orada oʻzbekistonlik himoyachi Abduqodir Husanovning transferini rasman e'lon qiladi. Bu haqda mashhur jurnalist Fabritsio Romano ma'lum qildi.

Romanoning bergan ma'lumotlariga koʻra, klub Husanov bilan tibbiy koʻrik oʻtkazish, shartnoma imzolash va boshqa zaruriy hujjatlarni tayyorlashni rejalashtirmoqda. Ushbu jarayonlar 24-48 soat ichida yakunlanishi kutilmoqda.

“Shaharliklar” transferni 48 soatdan oshmaydigan muddatda rasman e'lon qilishni reja qilgan.

Eslatib oʻtamiz, himoyachining transferi 40+10 million yevro miqdorida bonuslar bilan birgalikda 4,5+1 shartnomasi asosida amalga oshiriladi.