"Xetafe" "Jirona"ni mehmonda mag‘lub etdi

La Liganing navbatdagi turida \"Xetafe\" safarda \"Jirona\" ustidan 2:1 hisobida g‘alaba qozondi. Mehmonlar safida Krisantus Uche 3-daqiqada hisobni ochdi, 62-daqiqada esa Borxa Mayoral jamoasining ikkinchi golini urdi. \"Jirona\"ning yagona goli 54-daqiqada Yanhel Errera tomonidan kiritildi, biroq u 73-daqiqada qizil kartochka olib, jamoasini kamchilikda qoldirdi.

Statistikaga ko‘ra, \"Jirona\" 72% to‘p nazoratiga ega bo‘lib, 555 ta uzatma amalga oshirdi. Biroq \"Xetafe\"ning samarali hujumlari natija berdi – mehmonlar darvoza tomon 10 zarba yo‘llab, ularning 6 tasini aniq amalga oshirdi.

Mazkur natijadan so‘ng \"Jirona\" 24 o‘yindan so‘ng 31 ochko bilan 8-o‘rinda qoldi, \"Xetafe\" esa 30 ochko bilan 11-o‘ringa ko‘tarildi.