O‘zbekiston U-17 termasi Marokashga qarshi so‘nggi bahsga chiqadi

O‘zbekiston U-17 terma jamoasi Ispaniyada o‘tkazilayotgan yig‘in doirasida bugun so‘nggi uchrashuvini o‘tkazadi.

O‘smir futbolchilarimiz bugun Marokash yoshlari bilan to‘qnash keladi. Bellashuv soat 21:00 da Kadis shahrida joylashgan “Antonio Barbadilyo” stadionida start oladi.

Eslatib o‘tamiz, mazkur yig‘in davomida O‘zbekiston U-17 terma jamoasi Angliyaga qarshi bahsda 1:3 hisobida mag‘lub bo‘lgan, Kanada bilan kechgan kuch sinashuvda esa 2:2 hisobida durang qayd etgan edi.

Shu tariqa, Marokashga qarshi kechadigan bugungi o‘yin o‘smirlarimiz uchun yig‘inning yakuniy sinovi bo‘lib qoladi.