Erling Holann magʻlubiyatdan keyin fikr bildirdi

Angliya Premer-ligasining toʻqqizinchi turida \"Manchester Siti\" safarda Birmingemning \"Aston Villa\" jamoasiga minimal hisobda, 0:1, magʻlub boʻldi. Ushbu natija yuzasidan \"shaharliklar\" hujumchisi Erling Holann oʻz fikrlarini bildirdi.

\"Kuchli raqibga qarshi qiyin oʻyin oʻtkazdik. Bizni qoʻllab-quvvatlash uchun kelgan barchaga rahmat,\" - dedi norvegiyalik hujumchi oʻzining ijtimoiy tarmoqdagi sahifasida.

Toʻqqiz turdan soʻng Xosep Gvardiola shogirdlari 16 ochko bilan Premer-liga turnir jadvalida beshinchi oʻrinni egallab turibdi. \"Shaharliklar\" peshqadam Londonning \"Arsenal\" jamoasidan olti ochkoga ortda qolmoqda.