Van de Ven yetakchilikni oʻz zimmasiga olmoqda

“Tottenxem” bosh murabbiyi Tomas Frank jamoa himoyachisi Mikki van de Venning joriy mavsumdagi formasi haqida fikr bildirdi. “Menimcha, u haqiqatdan ham oʻsishda davom etmoqda va katta qadamlar tashlamoqda.

Umuman olganda, men undan juda mamnunman. U yetakchilik vazifalarini tobora koʻproq oʻz zimmasiga olmoqda, himoyada ham oʻz tezligi bilan birga aniqroq pozitsiyalarni tanlash orqali yaxshiroq oʻynayapti.

Bu meni juda xursand qilmoqda”, – dedi Frankning soʻzlarini The Spurs Express keltiradi. Joriy mavsumda 24 yoshli van de Ven barcha turnirlarni hisobga olganda 13 oʻyinda maydonga tushib, 5 marta raqiblar darvozasini ishgʻol qildi.

29-oktyabr kuni “Tottenxem” safarda “Nyukasl”ga qarshi oʻynaydi. Angliya Liga kubogi 1/8 final uchrashuvi Moskva vaqti bilan soat 23:00 da boshlanadi.