Bayerning asrdagi eng yirik gʻalabasi

Germaniya chempionatining 10-tur uchrashuvlari davom etmoqda. Leverkuzenning "Bayer" klubi "Haydenxaym"ga qarshi oʻyinda 6:0 hisobida yirik gʻalabaga erishdi.

Bu natija Bayerning 21-asrdagi Bundesliga doirasida qayd etilgan eng yirik gʻalabasi boʻldi. Bayer bundan kattaroq farq bilan oxirgi marta 2000-yilning mart oyida "Ulm" klubini 9:1 hisobida magʻlubiyatga uchratgan edi.

Kelgusi turda Bayer 22-noyabr kuni safarda "Volfsburg"ga qarshi oʻyinda maydonga tushadi. Hozirda klub Germaniya chempionati turnir jadvalida toʻrtinchi oʻrinda bormoqda.