Inter gʻalaba bilan tanaffusga chiqdi

Italiya chempionatining 11-turida Milanning "Inter" jamoasi Rimning "Latsio" klubini 2:0 hisobida magʻlubiyatga uchratib, favoritligini yana bir bor tasdiqladi. Oʻyinda himoyada ishonchli oʻyin koʻrsatgan "Inter" futbolchisi Alessandro Bastoni uchrashuv haqida oʻz fikrini bildirdi.

"Biz tanaffusga yaxshi kayfiyatda va musobaqa jadvalida birinchi oʻrinda chiqmoqdamiz", – dedi Bastoni fcinter1908.it nashriga. Keyingi turda "Inter" 22-noyabr kuni "Milan" jamoasiga qarshi bahs olib boradi.

Bu oʻyin JCh-2026 saralash bosqichining soʻnggi turlaridan keyin boʻlib oʻtadi.