Endrik qishda "Real"ni tark etishi mumkin

Madridning "Real" klubi hujumchisi Endrik qishki transfer oynasida jamoani tark etishi kutilmoqda. Insayder Matteo Morettoning soʻzlariga koʻra, 19 yoshli braziliyalik futbolchini "Lion" ijaraga olish niyatida.

Fransiya klubi futbolchi bilan toʻliq kelishuvga erishgan va "qirollik klubi" bilan bitim 99,9% ga tayyor. Faqat ayrim texnik tafsilotlarni yakunlash va zarur imzolarni qoʻyish qoldi.

Endrik bu mavsumda faqat bir marta maydonga tushgan. U "Real" bilan 2030-yilgacha shartnoma imzolagan boʻlib, Transfermarkt maʼlumotlariga koʻra, uning bozor qiymati 35 million yevroni tashkil etadi.