Diego Maradonasiz 5 yil: Futbol olami buyuk afsonani xotirlamoqda

Bugun, 25-noyabr kuni, afsonaviy futbolchi Diego Maradonaning vafot etganiga 5 yil to‘ldi. Maradona 2020-yilda, 60 yoshida hayotdan ko‘z yumgan edi.

Diego Maradona futbolchi sifatida \"Argentinos Juniors\", \"Boka Xuniors\", \"Barselona\", \"Napoli\", \"Sevilya\" va \"Nyuelz Old Boyz\" jamoalarida toʻp surgan. U koʻplab sovrinlar, jumladan, 1986-yilda Argentina terma jamoasi bilan Jahon chempioni unvonini qoʻlga kiritgan.

O‘sha mundial finalida Argentina Germaniya Federativ Respublikasini 3:2 hisobida mag‘lubiyatga uchratgan edi. Maradona oʻz oʻyinlari bilan millionlab insonlarga ilhom bagʻishlagan.

Uni XX asrning eng yaxshi futbolchilaridan biri deb hisoblashadi.