Bernardu Silva: Portugaliya bilan jahon chempioni boʻlish - mening orzum

Manchester Siti vingeri Bernardu Silva Portugaliya milliy terma jamoasidagi ambitsiyalari haqida gapirdi. U klub darajasida koʻplab yutuqlarga erishganini, ammo milliy jamoa bilan hali yetarlicha sovrinlarga ega emasligini taʼkidladi.

\"Biz kurashamiz va bu jahon chempionatida oʻz maqsadimizga erishishga harakat qilamiz. Portugaliya bilan jahon chempioni boʻlish - mening katta orzuim\", - deydi futbolchi Sport TVga bergan intervyusida.

Eslatib oʻtamiz, Portugaliya 2026-yilgi Jahon chempionati saralash guruhida Irlandiya, Vengriya va Armanistonni ortda qoldirib, birinchi oʻrinni egalladi. Mundial 2026-yil yozida AQSh, Meksika va Kanadada oʻtkaziladi.