Boka Xuniors futbolkalari dunyoda eng xaridorgirlar qatorida

Boka Xuniors jamoasi uchun quvonchli yangilik – Euromericas Sport Marketing agentligi dunyoning eng mashhur klublari futbolkalarining sotuv darajasini o‘rgandi. Argentinaning bu yirik klubi eng yaxshi o‘ntalikka kirishga muvaffaq bo‘ldi.

Boka Xuniors oltinchi o‘rinni egalladi va ikki milliondan ortiq futbolkalari sotildi. Ularning oldida Real Madrid, Barselona, PSJ, Bavariya va Mayami Inter (Milanning emas) joylashgan.

Mayami Interning yuqori o‘rinda ekanligi Lionel Messining ushbu klubda to‘p surishi bilan izohlanadi. Yettinchi o‘rinni Braziliyaning Flamengo klubi egalladi.

O‘ntalikni esa Manchester Yunayted, Chelsi va Krishtianu Ronalduning yangi jamoasi Al-Nasr yakunladi.