Di Mariya: Rosario Sentralling chempionligi katta yutuq

Rosario Sentral hujumkor yarim himoyachisi Anxel di Mariya Argentinada jamoasining chempionlikka erishgani haqida fikr bildirdi. \"Bu bizning klubimiz uchun yana bir yulduz.

Men bundan juda xursandman. Biz yaxshi mehnat qildik.

Muxlislar ham juda baxtli,\" - deya di Mariyaning soʻzlarini One Football keltiradi. Ijtimoiy tarmoqlarda Anxel qoʻshimcha qildi: \"Bu butunlay munosib yutuq.\" Eslatib oʻtamiz, 37 yoshli yarim himoyachi yozda oʻzining tarbiyalangan klubi Rosario Sentralga qaytgan edi.

Joriy mavsumda di Mariya 15 uchrashuvda maydonga tushib, 7 ta gol va 3 ta golli uzatmaga mualliflik qilgan.