Rossiya JCh-2018 mezbonligini 15 yil avval qoʻlga kiritgan

Bugundan aniq 15 yil avval, 2010-yil 2-dekabr kuni Shveytsariyaning Tsyurix shahrida 2018-yilgi Jahon chempionatining mezboni aniqlangan edi. Oʻsha kuni Rossiya ushbu musobaqani oʻtkazish huquqini qoʻlga kiritib, katta quvonch bilan nishonlagandi.

JCh-2018 mezbonligi uchun ikkinchi bosqich ovoz berishda Rossiya 13 ta ovoz toʻpladi. Ispaniya va Portugaliyadan iborat qoʻshma nomzod 7 ta ovoz, Niderlandiya va Belgiya tandemi esa bor-yoʻgʻi 2 ta ovoz oldi.

2018-yilgi Jahon chempionatida Rossiya terma jamoasi oʻz maydonida chorak finalga qadar yetib bordi. Chorak finalda Stanislav Cherchesov boshchiligidagi jamoa Xorvatiya bilan 2:2 hisobida durang oʻynab, penaltilar seriyasida magʻlub boʻldi.

Yakunda xorvatlar turnirning kumush medal sohibiga aylandilar va finalda Fransiyaga 2:4 hisobida yutqazdilar. Hozirgi kunda Rossiya terma jamoasi xalqaro sanksiyalar sabab faqatgina oʻrtoqlik oʻyinlarini oʻtkazmoqda.

"Bugungi kun tarixi" rukni.