Union sardori Bavariya futbolchisini tanqid qildi

Kecha, 3-dekabr kuni, Myunxenning "Bavariya" jamoasi Germaniya Kubogi 1/8 final bosqichi doirasida Berlinning "Union" klubini 3:2 hisobida magʻlub etdi. Oʻyindan soʻng, "Union" sardori Rani Xedira oʻz fikrlarini bildirdi.

Yarim himoyachining soʻzlariga koʻra, myunxenlik futbolchi Aleksandr Pavlovich maydonda uzoq vaqt yotib, oʻyinni kechiktirgan. "Bunday raqiblarga qarshi oʻynaganda, agar ular 45-daqiqadan boshlab vaqtni choʻzishni boshlashsa, bu bizga nisbatan qanday hurmatda boʻlishganini koʻrsatadi.

Bu adolatli oʻyin emas", - deya Xedirani "Bayern & Germany" nashri keltiradi. Shu bilan birga, Xedira Pavlovichga tezroq sogʻayish tiladi.

"Union" oʻzining keyingi uchrashuvini Germaniya chempionatining 13-turi doirasida "Volfsburg"ga qarshi oʻtkazadi.