Mikel Arteta qishki transferlarga tayyor

Arsenal bosh murabbiyi Mikel Arteta jamoaning qishki transferlar oynasida o'z tarkibini kuchaytirish imkoniyati haqida fikr bildirdi. "Biz har doim tayyor bo'lishimiz kerak.

Tarkibni kuchaytirish imkoniyati paydo bo'lgan zahotiyoq, vaziyatga qarab, bunga ochiq bo'lishimiz lozim. Transfer oynasi ochilganidan yopilishigacha ko'plab voqealar ro'y berishi mumkin, chunki bu - futbol.

Biz hushyor turamiz. Tarkibga xavf tug'diruvchi holatlar yuzaga kelishi mumkinligini tushunamiz.

Shuning uchun zarur bo'lgan paytda harakat qilishga tayyor bo'lishimiz kerak", - dedi Arteta. "Arsenal" hozirda Premer-ligada yetakchilik qilmoqda va ikkinchi o'rindagi "Manchester Siti"dan 5 ochko oldinda bormoqda.