Dekudan Levandovski kelajagi haqida izoh

“Barselona” sport direktori Deku hujumchi Robert Levandovskining klubdan ketishi haqidagi taxminlarga o'z munosabatini bildirdi. 37 yoshli futbolchining amaldagi shartnomasi joriy mavsum yakunida tugaydi.

Ko'plab mish-mishlarga ko'ra, yulduzli polshalik hujumchini Saudiya Arabistoni klublari o'z safiga qo'shib olmoqchi. Deku bu borada shunday dedi: “Robert so'nggi yillarning eng yaxshi hujumchilaridan biri va uning shartnomasi hali yakunlanmagan.

Hozircha hech narsa hal qilinmagan, xulosa chiqarish uchun erta.” Joriy mavsumda Levandovski Hans-Diter Flik jamoasi tarkibida 16 o‘yinda 8 ta gol urib, 1 ta golli uzatmani amalga oshirdi.