19 yoshli futbolchi Bundesligada het-trik qayd etdi

Germaniya Bundesligasining 13-turi doirasida "RB Leyptsig" jamoasi "Ayntraxt" klubini 6:0 hisobida magʻlub etdi. Ushbu gʻalabada 19 yoshli futbolchi Yan Diomande oʻz nomiga het-trik yozdirib, tarixga kirdi.

U 19 yosh-u 22 kunlik boʻlib, Bundesligada het-trik qayd etgan eng yosh futbolchilar orasida ikkinchi oʻrinda turibdi. Faqatgina "Ayntraxt"ning sobiq futbolchisi Valter Bechtold 1965-yil noyabr oyida 18 yosh-u 118 kunlik holatida uchta gol urib, bu borada rekord oʻrnatgan edi.