"Nissa"da dahshatli inqiroz: Jamoa ketma-ket 7 marta yutqazdi

Fransiya chempionatining oʻn beshinchi turida \"Nissa\" oʻz maydonida \"Anje\" klubiga 0:1 hisobida imkoniyatni boy berdi. Uchrashuvning birinchi bo‘limidayoq \"Nissa\" gol oʻtkazib, magʻlubiyatni qabul qildi.

Ushbu magʻlubiyat \"Nissa\" uchun barcha musobaqalarni hisobga olganda ketma-ket yettinchi boʻldi. Bu seriya klub tarixidagi antirekordni takrorladi.

\"Nissa\" avvaliga 1960-yil kuzida, soʻng 1964-yilda va oxirgi marta 2013-yil kuzida shunday ketma-ket magʻlubiyatlarni boshdan kechirgan edi. Biroq shunga qaramay, \"Nissa\" Fransiya chempionati turnir jadvalida hozircha o‘n ikkinchi oʻrinni egallab turibdi.