Zaer-Emeri PSJ darvozabonlarini baholadi

PSJ yarim himoyachisi Uorren Zaer-Emeri kechagi Fransiya chempionati doirasida "Renna"ga qarshi o'yinda rossiyalik darvozabon Matvey Safonovning o'yini haqida o'z fikrlarini bildirdi. Parijliklar ushbu uchrashuvda 5:0 hisobida yirik g'alabaga erishdi.

"Bizning jamoamizda barcha darvozabonlar kuchli. Biz darvozabonlarimizdan faxrlanamiz.

Kim darvozabonlik qilishi muhim emas, biz har biriga ishonamiz. Darvozabonlarimiz o'z vazifalarini a'lo darajada bajarishmoqda", - dedi Zaer-Emeri fransuz matbuotiga bergan intervyusida.

Eslatib o‘tamiz, bu o‘yin Safonov uchun 2025/2026 yilgi mavsumda PSJ tarkibidagi debyut uchrashuvi bo‘ldi. Safonov 2024 yil yozida "Krasnodar"dan PSJ klubiga o'tgan edi.