Osasuna Levanteni magʻlub etib xavf zonasidan uzoqlashdi

La Liganing 15-turida "Osasuna" va "Levante" jamoalari omon qolish uchun muhim ochkolar uchun kurash olib bordi. Oʻyinda koʻp gol imkoniyatlari yaratilmagan boʻlsa-da, muxlislar ikkita golning guvohi boʻlishdi.

13-daqiqada Ruben Garsiya Viktor Munyosga aniq uzatma berib, u bosh zarbasi bilan hisobni ochdi – 1:0. Birinchi boʻlim oxiriga yaqin, Jon Monkayola uzatmasidan soʻng, Garsiya hisobni oshirdi, bunda rikoshet ham oʻz rolini oʻynadi (2:0).

Ushbu gʻalabadan soʻng "Osasuna" 15 ochko bilan turnir jadvalida 15-oʻrinni egalladi, "Levante" esa 9 ochko bilan soʻnggi oʻrinda qoldi.