Matvey Safonovning yangi qiziqishi

PSJ darvozaboni Matvey Safonov yoʻlda oʻzining yangi qiziqishi haqida soʻzlab berdi. Futbolchi soʻnggi paytlarda mashinada bir xil musiqani tinglashdan zerikkanini aytdi.

"Shuning uchun qatʼiy qaror qabul qilib, audiokitoblar olamiga qadam qoʻydim. Bu yangi hobbi boʻladimi yoki yoʻq, koʻramiz.

Ammo hozircha mashgʻulotlardan keyin mashinamga shoshilishga harakat qilaman, albatta, yangi bobni tinglash uchun", — deb yozdi Safonov oʻzining Telegram-kanalida. Safonov "Yevgeniy Onegin" va "Oʻyinchi" asarlarini tinglaganini, hozir esa "Jinoyat va jazo" romanini oʻrganayotganini qoʻshimcha qildi.

Oʻtgan dam olish kunlari Safonov Liga 1 15-turida "Renn"ga qarshi oʻyinda ilk marta joriy mavsumda asosiy tarkibda maydonga tushdi. Uchrashuvda PSJ 5:0 hisobida gʻalaba qozondi.