Real futbolchilari Xabi Alonsoni qo‘llab-quvvatlamoqda

Madridning "Real" klubi bosh murabbiyi Xabi Alonso bilan kelajakdagi hamkorlik masalasi muhokama qilinmoqda. UEFA Chempionlar ligasi doirasida "Manchester Siti"ga qarshi o‘tkazilgan so‘nggi uchrashuvda (1:2) mag‘lubiyatga uchraganidan so‘ng, ispaniyalik mutaxassisning iste’fosi haqida yangi mish-mishlar paydo bo‘ldi.

Diario AS xabariga ko‘ra, "Real" futbolchilari Xabi Alonsoni to‘liq qo‘llab-quvvatlamoqda, ammo klub rahbariyati buni hamkorlikni davom ettirish uchun yetarli omil deb hisoblamayapti. Yaqin orada jamoaning natijalari yaxshilanmasa, Alonso iste’foga chiqarilishi mumkin.

So‘nggi sakkizta o‘yinda "Real" atigi ikki marta g‘alaba qozongan. Jamoa 14-dekabr kuni La Liga doirasida safarda "Alaves"ga qarshi uchrashuv o‘tkazadi.