Inter prezidenti yanvar transferlari haqida so‘zladi

Milanning "Inter" klubi prezidenti Juzeppe Marotta klubning transfer siyosati haqida o‘z fikrlarini bildirdi. "Neradzurrilar" rahbari yanvar oyida tarkibni kuchaytirish imkoniyatlari mavjudligini aytdi, biroq katta transferlar amalga oshirilishini kutmaslik kerakligini ta'kidladi.

"Biz transfer bozoridagi vaziyatni diqqat bilan kuzatmoqdamiz. Agar yanvar oyida imkoniyatlar paydo bo‘lsa, albatta ulardan foydalanamiz.

Ammo shuni aytishim kerakki, hozirgi tarkibimiz murabbiyning rejalariga va talablariga to‘liq javob beradi. Shuning uchun katta transferlar bo‘ladi deb kutmayman", – dedi Marotta Sky Sportga bergan intervyusida.

14 turdan so‘ng, "Inter" A Seriya turnir jadvalida uchinchi o‘rinni egallab turibdi. Ular "Milan" va "Napoli"dan bir ochko ortda qolishmoqda.