Pol Pogba sog'lig'i sabab «Marsel»ga qarshi o'ynamaydi

«Monako» yarim himoyachisi Pol Pogba sog'lig'idagi muammo tufayli «Marsel»ga qarshi uchrashuvda maydonga tushmaydi. Fransiyalik futbolchi o'yin arafasida yana jarohat oldi.

Jurnalist Sebastyen Pokonyolining xabar berishicha, Pogbani «Galatasaroy» bilan uchrashuv oldidan qizish mashg'ulotlari paytida olgan tizzadagi yengil shikast bezovta qilmoqda. Shu bois u Fransiya chempionati doirasidagi yaqin bahsda o'ynashga tayyor emas.

Joriy mavsumda Pogba «Monako» safida uchta o'yinda qatnashib, maydonda jami qariyb 30 daqiqa harakat qildi.