Tiribokki: Allegri Modrichdan oqilona foydalanmoqda

Italiyaning bir qator klublarida, jumladan Kyevo, Atalanta va Vichensada to'p surgan sobiq futbolchi Simone Tiribokki Milan safida Luka Modrichning o'yinini yuksak baholadi. Xorvatiyalik tajribali yarim himoyachi Madridning Real klubini tark etib, bolaligidan muxlislik qilgan jamoasida va o'zi uchun qadrli bo'lgan Italiya chempionatida o'ynashni tanladi.

Tiribokkining ta'kidlashicha, jamoa Yevrokuboklarda ishtirok etmaydigan mavsumda o'yinni Modrich atrofida qurish juda qiziqarli yechim hisoblanadi. U haftasiga bir o'yinda munosib darajada harakat qila oladi.

Milan Yevropa turnirlarida ham qatnashganida, vaziyat biroz boshqacha bo'lardi. Eslatib o'tamiz, Luka Modrich hozir 40 yoshda.