Zidan va Ten Hag «Chelsi»ning ehtimoliy murabbiylari ro'yxatida

Daily Express xabariga ko'ra, «Chelsi» bosh murabbiy Enso Mareska bilan bog'liq vaziyatdan so'ng murabbiylar shtabida o'zgarish qilish ehtimolini ko'rib chiqmoqda. Manbada aytilishicha, Mareskaning klubdagi «eng yomon 48 soat» haqidagi izohi e'tiborni tortgan va rahbariyat ehtimoliy nomzodlar bo'yicha qisqa ro'yxat tuzgan.

Qisqa ro'yxatga Erik ten Hag, Zinedin Zidan, Garet Sautgeyt, Liam Rozenyor, Frenk Lempard hamda Brendan Rodjers kiritilgan. Ayni paytda «Chelsi» Angliya Premyer-ligasida turnir jadvalining 4-pog'onasida bormoqda.

Jamoa peshqadam «Arsenal»dan 8 ochko ortda. «Chelsi»ning navbatdagi uchrashuvi 16 dekabr kuni Liga kubogi doirasida «Kardiff Siti»ga qarshi o'tkaziladi.