Nagelsmann 17 yoshli Lennart Karlni kuzatib bormoqda

Myunxenning “Bavariya” klubida to'p surayotgan hujumkor yarim himoyachi Lennart Karl yaqin orada Germaniya terma jamoasida debyut qilishi mumkin. 17 yoshli futbolchi joriy mavsumda “Bavariya” safida yorqin o'yin namoyish etmoqda.

Bosh murabbiy Vensan Kompani uni tobora ko'proq asosiy tarkibda maydonga tushirmoqda va Karl muntazam ravishda samarali harakatlari bilan ajralib turibdi. Sport Bild xabariga ko'ra, Germaniya milliy jamoasi bosh murabbiyi Yulian Nagelsmann hozircha Karl bilan terma jamoaga ehtimoliy chaqiruv masalasini muhokama qilmagan.

Biroq futbolchi so'nggi oylar darajasida o'ynashda davom etsa, bunday chaqiruv uzoq kuttirmasligi aytilmoqda. Lennart Karl joriy mavsumda “Bavariya” libosida 20 uchrashuvda 6 gol urdi va 2 golli pas berdi.