Aleksandr Tochilin: Zaxaryan Yevropada o'rnini saqlab qolishi kerak

Futbol mutaxassisi Aleksandr Tochilin Ispaniyaning «Real Sosedad» klubida to'p surayotgan rossiyalik yarim himoyachi Arsen Zaxaryanning kelajagi haqida fikr bildirdi. Mutaxassisning ta'kidlashicha, Zaxaryan hali yosh, oldinda butun faoliyati turibdi va u aynan Ispaniyada o'zini to'liq namoyon etishga intilishi zarur.

«U Rossiya Premyer-ligasiga qaytishga ulguradi. Hozir esa Yevropada o'z o'rni uchun kurashishi kerak», deya Tochilinning so'zlarini Legalbet keltiradi.

Arsen Zaxaryan Moskvaning «Dinamo» klubi tarbiyalanuvchisi hisoblanadi. U «Real Sosedad» safiga 2023 yil yozida ko'chib o'tgan.

Futbolchining amaldagi shartnomasi 2029 yil iyun oyi oxirigacha mo'ljallangan. Joriy mavsumda Zaxaryan 13 uchrashuvda maydonga tushib, 1 ta gol urdi.